Wednesday, December 8, 2010

ಸೀಮನ್ಸ್ ಕಂಪನಿಯಲ್ಲಿ ಕನ್ನಡ ರಾಜ್ಯೋತ್ಸವ - ೨೦೧೦

ಸೀಮನ್ಸ್ ಕಂಪನಿಯಲ್ಲಿ ನವೆಂಬರ್ ೧೯ ರಂದು ಅತ್ಯಂತ ಸಂಭ್ರಮದಿಂದ ಕನ್ನಡ ರಾಜ್ಯೋತ್ಸವವನ್ನು ಆಚರಿಸಲಾಯಿತು. ಪ್ರತಿ ವರ್ಷದಂತೆ ಈ ವರ್ಷವೂ ಆಚರಣೆಗೆ ಮುಂಚೆ ವಿವಿಧ ಸ್ಪರ್ಧೆಗಳನ್ನು ಏರ್ಪಡಿಸಲಾಗಿತ್ತು. ಕನ್ನಡ ಹಾಡುಗಳನ್ನು ಹಾಡುವುದು, ಶತಪ್ರತಿಶತ ಕನ್ನಡ ಎಂಬ ಸ್ಪರ್ಧೆಯಲ್ಲಿ ೧೦೦ ಪ್ರತಿಶತ ಕನ್ನಡ ಭಾಷೆಯಲ್ಲೇ ಮಾತಾಡುವುದು, ರಂಗೋಲಿ ಸ್ಪರ್ಧೆ, ಕರ್ನಾಟಕದ ಹಳ್ಳಿಯ ಜೀವನ ಶೈಲಿ ಎಂಬ ವಿಷಯವನ್ನು ಆಧರಿಸಿ ಚಿತ್ರಕಲೆ ಸ್ಪರ್ಧೆ, ಕನ್ನಡ ಚಲನಚಿತ್ರ ನಟ ನಟಿಯರ ಚಿತ್ರದ ರೂಪರೇಖೆಯನ್ನು ಬಿಡಿಸುವುದು ಹೀಗೆ ಹತ್ತು ಹಲವು ಸ್ಪರ್ಧೆಗಳು ಆಯೋಜಿಸಿ, ನಿರ್ವಹಿಸಿ ಅರ್ಥಪೂರ್ಣವಾಗಿ ನೆರವೇರಿಸಲಾಯಿತು.

ಇನ್ನು ಆಚರಣೆಯ ದಿನದಂದು ಎಲ್ಲರೂ ಉತ್ಸಾಹದಿಂದ ಪಾಲ್ಗೊಂಡಿದ್ದರು. ಹಲವಾರು ಕನ್ನಡದ ಹಾಡುಗಳಿಗೆ ಯುವಸಹೋದ್ಯೋಗಿಗಳು ಡ್ಯಾನ್ಸ್ ಮಾಡಿದರು. ನಂತರ ಕೆಲವರು ಮ್ಯಾಡ್ ಆಡ್ಸ್ (ತಮಾಷೆ ಜಾಹೀರಾತು) ನೆರವೇರಿಸಿ ಕೊಟ್ಟು ಅಲ್ಲಿದ್ದ ಎಲ್ಲ ಸಭೀಕರನ್ನು ರಂಜಿಸಿದರು. ಅದೇ ರೀತಿ ಹಾಸ್ಯ ಸಂಜೆ ಕಾರ್ಯಕ್ರಮವನ್ನು ಏರ್ಪಡಿಸಲಾಗಿತ್ತು. ಈ ಕಾರ್ಯಕ್ರಮವು ನಮ್ಮನ್ನೆಲ್ಲ ನಗೆಯ ಹೊಳೆಯಲ್ಲಿ ತೇಲಿಸಿತು. ಇತ್ತೀಚಿಗೆ ನಿಧನರಾದ ಕನ್ನಡ ಚಿತ್ರರಂಗದ ಖ್ಯಾತ ನಟ ವಿಷ್ಣುವರ್ಧನ್ ಅವರ ಸ್ಮರಣೆಯನ್ನು "ಸಾಹಸ ಸಿಂಹನಿಗೆ ನಮನ" ಎಂಬ ನೃತ್ಯದ ಮೂಲಕ ಮಾಡಲಾಯಿತು.
ಈ ವಿಧದಲ್ಲಿ ೨೦೧೦ ರ ಕನ್ನಡ ರಾಜ್ಯೋತ್ಸವವನ್ನು ಅಚ್ಚುಕಟ್ಟಾಗಿ ಆಚರಣೆ ಮಾಡಲಾಯಿತು. ಹೊಸ ಅನುಭವವನ್ನು, ರಾಜ್ಯೋತ್ಸವದ ಸುಮಧುರ ಕ್ಷಣಗಳನ್ನು ನೆನೆಯುತ್ತ, ಮುಂದಿನ ವರ್ಷದ ರಾಜ್ಯೋತ್ಸವದ ಆಚರಣೆ ಬಗ್ಗೆ ವಿಚಾರ ಮಾಡುತ್ತ ಮನೆ ಕಡೆ ಹೆಜ್ಜೆ ಹಾಕಿದೆವು.

ನಿಮ್ಮ ಸಂಸ್ಥೆಯಲ್ಲೂ ನಾಡ ಹಬ್ಬ ನಡೆದಿತ್ತಾ?, ಅದರ ವರದಿ ಇಲ್ಲಿ ಬರಬೇಕಾ? ಹಾಗಿದ್ರೆ ಅದರ ವರದಿಯನ್ನು, ಕೂಡಲೆ kannadahabba@gmail.com ವಿಳಾಸಕ್ಕೆ ಮಿಂಚಿಸಿ.

ಚಿತ್ರಗಳು:











4 comments:

  1. sooper!! nadda habba belagali.. :) Kannada maya agali yella IT company galu..

    ReplyDelete
  2. dear Harsha Gatt swalpa spelling mistake madiddira Nadda Habba alla Naada Habba..matte kannada maya agali alla kannadamaya agali..it ll give diff meaning..

    ReplyDelete
  3. modala prayatna nan enda........
    moonde adu el ede ellarallu saguttee....

    Aduve athma vishwasa..
    Sirigannadam gelge sirigannadam balge..

    ~Mohan Gowda

    ReplyDelete